Tunlai hian Sairangah tuten emaw ni Gas free connection, mi 55 vel lai hnenah Zopuii Gas Agency leh CC Gas Agency Lengpuite hmangin an tihsak dawn a. Inthlan a hnai dawn a, vote lei nan an ti te pawh a ang. Mahse, rorel tlak leh mi \ha an nih vang ni lo, hetiang kan tihsak chuan min vote lo thei nang, tia hetianga politics khelh hi chu a va \ha lo em. Mahse, politics khelhna a ni lo ang chu maw? A bawlhhlawh em mai!
7085604144
—————–
Lalna ngawr ngawr duh vang ringawta mipui awh nana thang kamte, hnam dang District pek te, pawisaa mi lei/thlem te hi Kristian tan tih chi a nih loh bakah ram leh mipui tihchhiat vekna a ni. Kan ram pawh heti khawpa a chhiat takna chhan chu mipui awh nan kan tawktarh vang a ni. Kan tawktarh sum a hran a hmuh dan an hriat loh vanga budgeta mi hman khawloh vanga thleng a ni hi a pawi hle a ni.
No. thup
———–
Kan Minister-te hian zuk leh hmuam \hat loh thu leh hriselna a tihchhiat dan an sawi fova, a dik ka ti thova. A aia pawimawh zawk, ZU hi engatinge an sawi ve ngai loh aw. Tuk tina thuthar ngaithlakin zu ruia buaina siam man an ni tih fo mai hi a va ninawm tawh ve mawle.
Zuninga
———-
MLPC Act hi Mizoram tan a \hatna pakhat mah a awm lo. Kum khat chuang awrh kan hman chhung pawhin a nghawng a rapthlakzia hi a zuartute pawh hian an hmuh hmaih hauh lo ang. Mahse, a hlawkna hi an it em vang zawk a nih hmel. Zu kan zawrh a chinah kan ram hi a awngrawp nasa hle tawh tih kan chhut ngai emaw. Chhungkaw tin deuhthaw zu hnathawh avangin kan \ap chuah chuah a ni ber tawh e.
Muanpuii pa
—————
U Got Talent final round kha chu a boring tawp. Mipui entu lam aiin fakna sponsor-tute lam a\ang khan a tam lutuk lulai em mai. Kan tûten en ve an duh a, fakna tam lutuk avangin rei an en hman lo. Ngun deuhin ennawn leh teh u, a ninawm tawp. Tin, Yamaha Fiamthu Fest hi hmeichhia lam hian host teh se. ZONET hian hmeichhe fel tak tak in ngah lutuk. Mipa lam hi chu host tir tawh teh suh u, an thiam lo ni lovin, an inhmeh lo tlat.
9436147113
—————–
Kristian ram kan ni kan ti a, condom hman uar kan inzirtir hi a Kristian lo hle mai. Taxi, Bus leh remchanga kan tar hian kan rilru a tilang hlein ka hria a, a zahthlak takzet a ni. Condom hmang tura inzirtir leh tar zawng zawng hi i sim ang u, Kristian kan nih takzet chuan.
LT-a Tochhawng
—————-
Ram hmangaihtute insawisel reng mai hi kan ning tawh. Ram tana an tih tur sawi mai se, \ha kan tih chu kan lo vote mai ang.
Malsawma pa
—————–
Inthlan lo awm turah hian MNF bak sorkarna fawng chelh tur an awm lo tih a lang chiang ta hle! Kan ram nasa taka min sawisaa retheihna khur thuk taka min hnuk luttu, Congress party paihthlak duha BJP hma lakna hlawkpui tur awmchhun chu MNF an nih miau avangin. PRISM leh ZPM lahin vawiin thlengin CM tur an la tichiang lo va. A bikin ZPM phei chu nihna duh avanga party chhuahsan tate tam tak awmna a nih avangin an chungah mipuiten rinna kan nghat ngam lo tlangpui. ZEM hian ram hruaitu duhawm tak tak an ngah. Mahse, an thawhpuiten nihna sang an chuh ve tlat dawn tih a chiang sa reng si. PRISM chu sawi tam ngai lova tling lo tur chiang sa an nih kan hai lo vek si a!
Mesaka Putea
————-
Mizoram sorkarna chelh mektu hian FMGE&W-in 7th Pay hmang ve turin eng ang pawhin nawr na mah se, an hlawh petu Mizoram mipuite remtihna hmu hmasa lo chuan vote zawnna remchanga hmangin pawm hauh suh se. Sorkar hnathawkte pawh hian an sawr fe mipuite hi zah nachang hre tawh teh se.
An sawr fe tuartua
—————-
Ningani zan Fakselnaa Ramveia inti, buhfai chhia titu khan i ration lakna a dang deuh nge? Ration buhfai ngat ring kan ni a, buhfai chhia Ration-ah kan la lo asin. Tute emaw, Minister emaw tihhmingchhiat tuma Fakselnaa mahni hming pawh ziak lang ngam lo hian mipui tihbuai tumin dawt sawi hi bansan la a \ha lo maw?
R. LALHMUNMAWIA, TUIKUAL SOUTH
——————
ISL an \an leh dawn ta, Delhi-a khel tur Sena Ralte kan lo lawm a che.
Keny Remruatzela
——————
Central sorkar a\anga Mizoram hmasawnna tur sum lo lut a tam tawh tehlul nen hetiang em ema hmasawnna hmuh tur awm si lo leh District Council 3-te pawh hmasawnna awm chuang lo hmuh hian ram leh hnam hmangaihtu dik tak hi an awm lo tih a chiang. Congress leh MNF-te pawh engmah an ni lo, ram hmangaihtu tak tak kan lo nei lo hi a va lungchhiatthlak tak em. Hetiang ai chuan State sorkar & District Council sorkar hi \hiah vek ni mai se a va \ha zawk em. Tichuan, mipui kan intluk tlang vek ang a, a beidawnthlak em mai. Central sorkar leh State dangten min nuihzat lutuk. Hei hi Zoram mipui beidawng au aw a ni ta. Hei lo hi ram dang kan nei si lo, a va manganthlak em.
Chhim Pa
——————–
SSA Zirtirtute hlawh hi Finance-ah a awm an tihna a rei hle tawh a, District-ah a thleng tawh an tihna pawh ni engemawzat a liam leh tawh a, a pung um an awm em ni le, a va rei ve le. Thla 4 hlawh lak loh a rei tehreng nen, chhui chian a va \ha ve le.
Nghakhlela
——————-
November ni 5&6 Vanglainia Vaiphei hnam chanchin, Pu VL Huala Upper Republic ziah kha a va \ha tehlul em! Rawn ziak zel teh.
Johnson Vaiphei
——————-
