Coronavirus laka Mizoram venhimna tura sorkar thurelte hian kan rama mi chan chhe berte chungah rit phurh sen loh an siam loh ka beisei. Assam a\anga buhfai leh mamawh dang phurtu truck leh rel driver te dan loh tur anih rualin virus an vei leh vei loh lo test tho sela. Supply minister-in buhfai kal lai buai miah lo va an tawlh char char nan tha tawpin \ang sela. Ration buhfai ei lo ho eitur pawh lo dang bik lo se la.
Hetianga an \an kawh loh chuan an hming hmasa Mizo National Famine Front (MNFF) an pu leh palh ang e.
Ramliana
94361 97357
Mizote hi mize nghet lo, phawklek hma leh duham, rinawm lo, thil hre rei peih lo hnam kan ni i ti ve lo maw Pu Zonet? Hmanni lawkah CAB/CAA kan ti a, kan phu luai luai a, tunah chuan CAB/CAA ngaihtuah peih pawh kan awm leh tawh mang lo va, chu chauh ni lo, kan ram hruaituten mahni inhaivura anmahni hlawh sang taka an tipung te, hlamchhiah vanga electric chhit man cheng vaibelchhekhat leh nuai sawmthum paruk kan chawi thlawn te, nuai thum sem tur sem leh tak si loh, MLA, Speaker, CM thlenga car manto tak inpek, rua, sorkar flagship programme-a hmalak dan mumal awm miah lo, (a dang pawh sawi tur la tam mai). Tunah Coronovirus a lo lang leh ta a, nimin maia zaa za ringtute khawsak dan kha a va zahpuiawm em ve aw ka ti a ni. Kan ei sen miah loh tur, midang, mi rethei, tuna a leina tur la nei ve lo, nitin inhlawh chawp ringa nung ve ten an thawhhlawh lak hun chauha an lei ve theih hun an nghah hram hram laiin, mi hausaten mahni hmasial taka kan hmuh chhun chhun manto zawka kan inchuh rup rup mai hi chu a Kristian lovin, a va Mizo lo tak em aw ka ti a ni. Pi leh pu huna “sem sem dam dam, ei bil thi thi” an lo tih \hin kha chu hnai lo mai. Dawrkai te u, nangni pawh rinawm takin he harsatna hi remchang a hmang lovin, indawr bungruate rinawm leh dik takin hralh turin ka ngen a che u. He hrileng hian ineitur ni lovin keini/nangmahni, a mihringte a ni a, beih zawk dawn ni. Natna-in a beih hunah meuh che chuan i thil chheprelh ruk khan awmzia a nei chuang lovang. Mipui mamawh thil, a bikin buhfaite phei chu kan sorkar hian a ngaihtuah reng ang a, chumi atan chuan alawm mipuiten sorkar kan siam tih hi i hria ang u.
SANGSANGI PA, Armed Veng South
97747 73425
Covid-19 chuan Guwahati a rawn thleng tawh tih vangin Aizawlah mipui kan chiai a, Kohhran upa pakhat chhungkua-in buhfai bag 7 teh meuh an han chhek khawl ka hmu zui a, mi rethei chhek khawlna nei ve lo te rilru kan va tibuai \hin em! Thlamuang taka awm tura min hrilhtu tur te hi a hmanhmawh hmawhah an \ang tak si a leh.
FacaNsons
81318 61999
Covid-19 vangin ringtu der, Kristian inti tamna Mizoram mipui kan chiai zual zel. Mi rethei tan a lungngaihthlak zel zawk lehnghal. Chuvangin sorkar hian market hrang hrang hi thunun se a duhawm hle mai. Kristian dik takte pawhin harsatna an tawk ve thei si a.
LT Ralte
98620 07651
Hripui COVID-19 leng vanga kan ram inkalpawhna khar a nih tur thu kan sorkar hotute’n an han puang zet chu kan va han chiai nasa tehlul em! Midangte chanvo ngaihtuah lek lovin Buhfai, Alu, Dal, Purun, Tel, inchuhin kan phu nghal luai luai mai a, kan Pathian thu-in “Nangmah i inhmangaih angin i vengte hmangaih rawh” tia min zirtir chu a thu-in kan sawi a, a tak erawh chuan kan zawm lem lo a nih hi.
Hetianga chiai leh mangang hma taka kan awmna chhan hi eng dang vang ni lovin kum 30 chuang zet kan ram min lo hruai tawhtuten ei leh bara intodelhna kawnga thawhrimna aia thatchhiatna bul “Pawisa sem” an tawktarh \hin vang hi a ni chiang hle a ni. Mipuite pawh hi harh chhuak ve tawh ila, kutdawh State nih reng mai pawh hi zahah ila ve tawh ang u. A mipuite rilru ang zel hian a ni ram hi a kal ni.
LR Ralte
93666 30785
Tun \um kan sorkar hrawn mekte hi an chetdan leh an khawsak dan han en hian inthlan leh hunah sorkar tawh lo pawh ni se pawi ti hauh lo tur khawpa inhai vur tum an ang hle mai. An chetdan hi lo thlir zel phawt mai ang u. Mipui aw an ngaihpawimawh loh dan hi lal\hut\hlenga hlangkaitute min pawisa lo hle mai. It leh awhna-in an lo khat tlat mai a lo nih hi.
Thlirtu Mitfima
94367 54005
COVID-19 hi natna chi khat, cho chi miah loh a ni. Amaherawhchu, Mizoram KRISTIAN te min nghawng dan hi dang tak a ni. Mizoramah he natna hi vei an awm hriat a la ni lo va, inkalpawhna kawng international chauh khar a ni. Ei leh in kan lak luhna pawh a pangngaiin a kal. Eng vangin nge Mizote hian dt. 9/2/2020 hian buhfai kan inchuh vak le! Kristian ram, inkhawm nei zing tak, zing \awng\ai inkhawm thlenga nei \hin kan ni. Buhfai kan inchuh a, kan pi pute chuan “sem sem dam dam, ei bil thi thi” an lo ti \hin. Tuna kan dinhmunah chuan hla tak a ni. Natna leh thih tumna kan cho lo, KRISTIAN hlauh ngah tak hnam kan ni. Khawvel ram pumah hian keini anga KRISTIAN ram hlauh ngah hi an awm ve-in ka ring lo.
Johan Lalrinawma pu, Saron Veng
94363 92544
Mizoten kan ze dik tak kan phawrh leh \an ta. Thuthang engemaw a awm a, chukchu ben\helh ang maiin kan phi leh ta ruai mai. Buhfai leh eichawp ilo kan inchuh leh ta suau suau mai. Midang tana ken chu sawi loh, keiin nei vek ila, midang chuan nghei mahse eng nge pawi ti niawm takin kan chuh huam huam mai. ‘Sem sem dam dam, eibil thi thi’ tih lam chu a lang leh ta lo. Hman deuh khan CHI avang dawn an ti a, kan phu suau tawh a, tun \um thil pawh hi i lo thlir leh ang.
LEMMY
70058 35399
AMC inthlan dawn ni ta-in ka hria, Congress leh ZNP an thawhdun \uma Vanapa Hall-a Pu Duhawma’n kan CM Pu Zorama a kah laia Pu Hawla bula \hua nuihza ber kha kan Speaker Pu Rinliana hi a ni a, tunah lem Assembly House-ah te hian Pu Rama chu a \an tawp a, he video ka en phei hi chuan Zoram politics hian min tibeidawng.
The Independent
81318 25855
Ngopa Primary Health Centre (PHC) Doctor hi thuneituten rawn hrilh teh u. OPD chhun dar 12-ah pawh a \hu ngai lo, mamawhtu kan tam si a, chu lovah ni khata en zat tur bituk a la bei zui. A hahthlak deuh a ni.
No. Thup
70858 91518
MNF sorkar tak hi chu aw Caronavirus test-na tur khawl leina tur pawh tun thlengin an nei lo a nia. AP pawhin tam deuh an lei tawh.
Zoramliana, Aizawl
7005401919
Tunlai hrileng vangin kan Zoram ngei pawh kan fimkhur a ngai ta. Fimkhur dan tur chanchan tharah kan hre hlawm awm e. China ram pawh tuiin an khawlai an phuh/sil char char mai. Kan in chhung silfai leh fai taka enkawl kan hmabak a ni tel e.
FIMKHURDUHA
AIZAWL
