Ram hmangaih lemchan thiam party kan hrawn mek tih Zofate hian i hria ang u. Assam nena kan ram chungchang buaiah pawh an beng an chhu ngawng ta a nih hi. An zia mak ve em em chu Police pawh tir ve mahse a ram mipui chungah bawk kut a thlak leh daih ang. Zoram hi kan ram a ni an ti tak tak lo. Nang leh kei aiin Bru an hmangaih zawk. Neitu rilru pua thawk chhuak zawng zawngte Pathianin vengin awmpui vek che u rawh se.
Fela pa, KK
—————
Kan sawrkar chu Assam sawrkar lakah dawl zawrin a zawr hnup mai a ni maw? A va zahthlak em em ve. A ram mipui thlavang pawh hauh ngam lo sawrkar kan nei chu zahthlak tak a ni. An lova nep the the em! An hmelte pawh hi ka hmu tuitang lo zo tawh. Phat mar nan chuan Zira pawh a ka a kal char char hle mai. An thlahtu-ah hian vai rim nam an awm a ni lo maw an ngawih hmak danah hian? Zangnadawmna pawh ASSAM sawrkarin an p>k duh loh pawhin anmahni’n pe rawh se.
No. thup
————–
Ram chhanna kawngah hi chuan Mizo mipui thlamuanpuiawm khawpin MNF leh Congress party hi chu z>p thu lovah in awm lo ve ve. Bhavan leh Hnam R<na inthusawi chu a nep lo, a tak ram hi inhlat deuh a ni. Kum 1970 vela Shillong khawpuia Naga duh loh zawng Cinema-a an chhuah Naga zirlaiten chhuah loh tura an ngen an chhuah luih a vanga Cinema Hall an vawm chiam \uma an man t^k te chhan tura Naga CM \awng kha ‘ka mite chhan turin ka lo kal mek a, ka lo thlen hmaa ka mite i lo chhuah lo a nih chuan Nagaland leh Meghalaya kan indo nghal ang’ tia an CM a han vau te kha a rang a rangin a chhuah nghal te, ram buai pik lai, Mizo leh Silchar vai intihbuai laia Mizo \hahnem tak Silchar a\anga chhan tura kan CM Brigider |henphunga a zu tlan lut ngat mai te kha tuna kan ram hruaitute nen chuan in inchhun lo deuh chu a ni.
RK Sanga
—————
Assam nena kan inri-na buai reng mai hi DC Level leh CS Level-a inbiakte chu na chhâwkna ei ang lek a ni ang. Central Level leh Political Level-a sawi chi a ni ang. A rêng rêngah a lan chianna, beh chhan tur Gazzette Notification te hi a awm lo em ni pute u?
Lalzabiaka, Chanmari
—————
Ramri chungchanga Pu Lalfakzuala thusawi kha Zofa zawng zawngten thudik tak a sawi tih i hria ang u.
LALDIKA, Zofa
—————
Pu Modi-a hi Sakawlh a ni mai lo maw? A ni anga chak leh party dang ngai thei lo an la awm ngai lo. An bulpui RSS a ni tih kan hria. Anni baka Kristian hmelma an awm lo.
Duata pu
—————
MZP-te Politic Game play hi \ha-in lang mah se zirlai dik tan zui chi a ni. Kan ramri hi District Council hun a\anga UT kan nih hun leh State (Peace Accord) thleng khan vai hovin kan ram an tih chin hi kan lo pawm reng tawh a ni. Tin, Chawlhbuk sak hi ram zauhna a ni lo. Thu a ziak ngeia awm chi a ni. Zirlai pawl tih tur a ni lem lo. An hotute Politic Game a ni e.
VL Ruata
————–
Mizoram ramri pawh dinpui ngam lo ram hruaitu nih duh ve si, lal chauh duha mipui NLUP chauh sema ram phatsan si hruaitu nih hi term leha din chu tum lo mai rawh se.
Laipa
—————
Congress leh MNF-te Zawlb<ka e t^ng ve ve leh belmang kai ve ve an nih tawh avangin, mipui bumthluk leh tumin, mipui laka an tih dik tawh loh thup mawi nan nasa takin mipui hmaah dawt an sawi leh char char \an dawn ta e. Mipuiten a ngaihthlak dan i lo thiam ang u. Anni hi chuan dawt hmanga mipui buma sorkar tum reng renga party kaihhruai \hin an ni tawh tih a chiang, kan hriat vek hnu a nih kha! Han sorkar se, Congress sorkar, MNF sorkar inti ziah \hin an nih kha. Vawi khat mah hi mipui sorkar din an la nei miah lova, chuvang chuan entir nan heti hian Congress sorkarah chuan an hna hmuh leh hnathawhnaah MNF pa chu vengchhung pa ni ve lo ang maiin a tel ve a thiang hauh lo mai. Chutiang bawkin MNF-a sorkara hnathawh tur leh hmuh an neih chuan Congress pa chu veng chhunga khawsa ve lo ang maiin a hriat hian an hre fuh lo hrim hrim a ni mai. Chuvangin mipui i fing tawh ang u.
Ramhmangaiha
—————-
Kumin MLA thlan tur atan hian ramri humhalh ngam kan thlir. Tunge lo chhuak ang?
LLKa
—————
Congress hruaitute reng reng hian Mizoram leh a leilung fate thlavang an hauh ngai reng reng lo a nia aw. Buaina deuh a awm veleh puhmawh tur an dap ruai ringawt zel a ni zawk. Lei dawh lai chim \hinah pawh thuvuvuk an aupui mai mai zel hi.
8414883986
————–
Pu Ch. Chhunga hi ka ngaisang thar ta riau mai. Pasal\ha rilru pu takin ramri lamah hmun a lo nei a. Kan pipute hunah kha chuan pasal\hate khan vauchher nih hreh hauh lovin khaw chhung hmun laili lam aiin daido turin khaw hmawr lamah in leh lo an bengbel \hin niin sawi a ni a. Pu Ch. Chhunga pawh khan khati ang rilru kha a lo pu niin ka hre ta deuh tlat mai. A chanchin kimchang hriat a châkawm thar ta riau mai.
RL Chhanhima
—————-
MZP CHÂNG RÈL A SUAL NGAI LO kan ti \hin kha a nia! Mahse tun \um Bairabi khua leh sawrkar ngenna ngaihthaha an thiltih erawh hi chuan an châng rel a sual fo tawh tih a lantir. Bairabi khuain harsatna namen lo an tawrh tur hi an venghim reng thei a nih dawn chuan thuhran. Kan Home Minister thusawi a\ang khan sawrkar lamah beisei tur a awm lo tih a chiang bawk si.
Mahni duhdan leh \haa kan ngaihdan dik bera ngaia kal luihpui tlat hi kawng engkimah a fuh ber ngai lo.
Donation khawn leh zirlai ni chiah tawh lo, zirlai hruaitute avang chauh pawh hian mipuiin MZP kan hmuh dan a dan takzia hi hre ngam ve tawh teh se.
Mesaka Putea
————–
Ralthuam nei lo kan zirlaite kutthlak ngam, driver sawisa ngam kan Police huaisente kha khawiah nge in awm tak? Mizoramin chhantu a ngai e. Bairabi khaw daiah nghah inni e. Vai Police hmachhawn ngam lovin eng chen nge inbihruk dawn le? Kan Home Minister pawh hi a huaisen viau emaw ka lo ti a. Inthlan hunah tlakpui hri a leng dawn a ang ta hle mai.
9862704725
—————
City Police lian pui pui, zirlai pawisawi lo vuak huai deuh deuh ho kha Bairabi lamah tirh thlak chi an ni lo maw? Driver pakhat sawisak rawntu Police huaisente nen khan thawn thlak chi an ni lo maw?
9774354495
—————-
