Ka lo ngaichang ve rauh rauh a. MNF sorkar hi chuan a tifuh bik vak lovin ka hria. Mizo mipui mitmei an ven vang chauhvin Mizoram BJP te hi thawhpui duhlo angin an lang a. Mahse khu lam BJP lamah erawh tlaktlum loh hlauvin an phesek lawi a. Hetiang mi mumal lo, laiking pachal leh lama awrsen a awrdum tawn vel mai mai hi khu lam vai pachal mihring vaibelchhe za tam chung a rorel thei khawp a mifing te khuan an zia hi an hre hnehsawh lutuk tlat. Mahni ram intodelhna pawh ngaihtuah chhuak thiam lo, kutdawh chiah hnehsawh an lo ni e. Mi tlawmngaiten mangangte tana thisen an pek khawmah te a nih mai mai hi an zia an tih lan.
Tlangvala
Number thup
Pu C Lalrosanga’n CAB chungchangah Pathian ka rawn thlap a tih kha eng pathian tak niang maw? Pu Ramtea pathian, Pu Hawla nena an in\awm, ban ngah deuh tho kha a nih hmel hle mai. Nuho bulah a lam su zuk zuka, CAB-ah a lam lut der mai zawng a nih tak hi! Hetiang hi kan ram hruaitu ten min bum duh dan a nih chuan Mizo mipui te hmabak chu a thim awm hle mai. 666 hi chu Pu Rama leh a pawlte hian do ngam hram se kan va duh tak em. Rei lote nawmsak ai chuan chatuan nunna a hlu zawk si a.
Sangsangi Khiangte
8730841016
Aizawlah hian Taxi a la tlem a ni, hnai deuh hlek, ₹ 50 man velah tlan duh lo kan tawng fo mai a, a hrehawm hle mai. Dam mawh/hritlan nikhua leh thawmhnaw neih ve deuh \umin a hrehawm duh zual. Chuvangin, sorkar hian permit hi 200/300 vel tal pek belh se, tlan duh lohna an nei tlem deuh mahna.
8837489511
Politic lampang he Fakselnaa sawi peih leh \awngkam uluk lo tak tak hmang ho hi mi laktlak tak tak lo leh dawihzep, a ruk tea sawi sep sep, Fakselnaah pawh an phone number tilang ngam lo ho, an thil sawi i lo thlawp ve ringawt ang nge. He pa chu a sawi dik ka ti khawp mai te in lo ti mai nai ange mi laktlak loh ho thusawi hi lo ngaisang suh u.
9366701008
January ni 8 zan lam programme DDK Aizawlin a tih chhuah a thusawitu kha a hming ka hre lova. Mitthi thlaichhiah leh Mim k<t chungchang zawhna a chhân dân kha ka lo ngaithla ve a. Mim kût lo chhuah dân kha, ‘Thlai chhiah’ tiin a sawi tlat mai. A thu lâkna a fuhlo a nih hmêl khawp mai. He tianga, pipute thil lo tih a, hre chiang lova tlangzarh hian \hangtharte hriatna dik lovah a hruai theih avangin zir chian deuh a \ha hle mai.
Zuitea pu
8415887724
Thil nihdan phung, a \ha lo pawh ni lo, a titheitu nih vang ringawt a thlak danglam kual vel hi em ni MNF Ministry-in ‘Kalphung Thar’ an tih ve chu ni le? MIMER hming duhlo a ZORAM MEDICAL COLLEGE han tih ngawt te kha, tunah hian eng nge hlawkna an hmuh phah tak? Mi tlawmngai ten a thlawna thisen an pek tlingkhawm, a harsa zawnga damlote tana pekchhuah dan tur an han duang thar leh te hi eng nge a \angkaina? He tianga kan sorkar hi thil sepsel te te a inham buai vel mai mai lo hian nikum June thla a Assam Rifles sawnchhuah tawh tur te, cheng nuai 3 sem chungchang te hi buaipuiin, mutmawh hnarmawhah nei tawh zawk se, hma kan sawnin kan hlimtlang zawk ngei ang tih hi Zoram mipuite ngaihdan a ni e.
Ramveia
93666 30785
Zonet hi Siahaah engati nge a \hat rei theih loh? Thli a thaw hlek a a chhia a, khua a dur hlek a a chhia a. Ruahhmi a tlâ a a chhe bawk, chhe zing chhe reng, chhe kháwn a ni top. Siaha mipuiin sum sêngin kan pawt a, a chhiat hun chhûng zawng fee chawi kan âwl bawk si lo, hei lo liam inrawk, in suam hi a awm lovang. Uluk leh \ha deuhin vil teh u.
96125 88556
MPCB hian puangzar lo pawh nise 2018 aiin 2019-ah halpuah leh hàlmàwi kan hal nasa zawk tih hi a hretute kan ni hlawm e. Ri bengchheng leh boruak \ha lo pawh a tam zawk tih hrereng chungin kan che lui reng tih pawh kan inhria.
Lba Pa
84140 29478
TV & Radio a thupuangtute hi a hmain an ngaihthlaksak ngai lo nge, Mizo \awng lam thiam loh an ngah em em reng hi le?
Luaia
94361 41804
Miten lo haw lo se, zu hi Mizoramah hian a mikhual lo ve, kan pi leh pute hun a ta tawh, hunpuiah an lo in \hin a. Tin, Upa hote pawh khan \hiante nen an in \hin. A \ha tih vang ni lovin Mizote hi min chen chilh rengtu a ni. Dodal lah a hlawh nasa mahse, kan ram chhiatna min thlentu ber ang maia kan dodal hi chu ni ber hian ka hre ve lo. Kan ram runtu chu AIDS, No 4 leh a dang pawh sawi tur kan hre nual hlawm ang. Chungte chu kan mikhual min tichhetu, kan ram runtu te chu an ni lo maw? Nutling/patling No 4 khawih, AIDS vanga buai hi chu tam an awm ka ring lo. Khawvel a changkang zela kan ram pawh a chang kang ve zela, changkanna pawhin a ken tel ve te pawh a hun tawh lo maw? Zu \ha ni se, a intu ten thiam tum sela, a in duh lo chu a bulah pawh chhawp reng mah ila a in chuang lovang. Do lo ila, awm ve mai mai rawhse. A man tlawm phei se tuman an zuar peih lo a nge.
Congress pa
