Vanglaini chanchinbua Pu PL Liandinga’n ‘MIDUM’ tih a thu a rawn chhuah kha a \hain Mizo mipuite hian kan hriat a \ul hle a ni. Hman deuh tawhah khan hmeichhe pakhat, midum avanga an khawsak dunna, Delhi-ah thia chhar an awm tawhin ka hria. Chuvangin hnam changkang lo leh hlauhawm an nih avangin i fimkhur tlang teh ang u.
Siama pu
———–
Congress sorkar chuan sorkar chhiahhlawh (Government servant) te hlawh tihsan awrh chu an tum chiang mai maw? MNF leh ZPM party-te pawhin fatu tana sabel 85 hauha, mipui tana bel 15 chauh pek an hnial bik lo. Mipui lam \an ngam chu kan hre mai ang.
9612126503
——————
7th pay zirtu study team hian a enga pawh zir chhuak se, kumin inthlan hmain an hmang dawn hrim hrim tih hi zawlnei puansak kan ngai lo ve!
Ram hmangaiha hmasawnna aia LALNA thlahlel tawh zawk hnam kan ni ta hi aw!
Mesaka Putea
—————–
Electric bill hi tun hmaa cheng zariat kan chawi \hin kha, tunah chuan cheng sang khat zakua lai a lo ni ta hi mipui tan chuan a rip \an hle mai a, hetiang a nih chuan chaw kan nghei thei mai dawn alawm le.
9612238063
————
MPP Pu Lal\anpuia Pawl intite hian ZPM an zawm ve lo a nih chuan Zoram hi a pangngaia Congress bawk laltir leh an tum niin a lang. VOTE hlawm \ha tak tur \hen darh an tum niin a lang.
RAM|ANA
—————-
UID leh Aadhaar awmzia Bible a\anga hre fiah lote sawi leh ziah, hlauh ngah ringtu/kristian, ration card, Aadhaar card, thim thuah hnih, sakawlh, khawchhak lung lum tur leh China ral lian hlau tih thu kan ngaithlain kan chhiar hnem ta hle. Ka mi ngaihsan zual tlemte zinga mi, Pu KL Liana meuh pawhin he thu hi a hai vein a ziak tel tam ta viau mai. Aadhaar nei tura mit leh kut thlalak hi Pathian phal loh a ni. Ration card-a tel thei turte, tangka ip in\awm tur bank account nei tur leh engkim mai atan Aadhaar neih ngei ngei ngai hi Bible-in a nei tana lei leh hralh theihna tur, nei lo tana lei leh hralh theih lohna tur a sawi hi a ni tih lo hria se. Setana leh Pathian no inkawp ngam khawpa ringtu huaisente chan tur hi rapthlak eltiang a la nih hmel.
9856887138
—————-
Siahaa ZONET chhungkuaten ZONET kan en/hmu lo reng mai. Tunah pawh kan en thei lo.
9436168559
————
Mizoram hi tute ta leh tute nge ram leilung fate chu? Ram neitu inti te hian eng vangin nge mahni ram kalphung \ha lo kan siam \hat theih miah loh? Cachar District khawpui Silchar ang mai khuan mahni chauh inngaihtuahna kan tem \an nual tawh a ni lo maw?
PH FANAI
————
Kan Mizo hmeichhiate \ang tak tak teh u. Hnam dang pasalah in nei hlawm a, intih theih nan in hmang emaw tih mai tur hian an la awm zui lehnghal a, hnam dang mipa Mizo nulain inthurual em ema an han lenpui vel han hmuh hi chuan ben thlawrh mai hi an chakawm \hin.
SANGA
————–
Bihar CM an chhuitir ngam ang hian Mizoram sorkar hian ei rua rinte hi han chhui tir ve se a va \ha dawn em ka ti. Kristian rama heti taka eirute kan la haw ngam lova, kan la chawimawi zawk fo hi chu inngaituah chian chu kan va ngai tak em. Zawlbuka e tang \heuh \heuh inchhui tur in awm lo em ni zawk?
Peka pu
————-
Inthlanpui chu kan hnaih ta hle mai. A thlangtu tur mipui lam kan pawimawh dawn ta a nih hi. Kan thlan thiam leh thiam loh a ni tawh mai. Kan thlan thiam chuan kan tan a ni mai a, kan thlan thiam lo pawn kan tan a ni tho. Chuvang chuan i fimkhur viau ang u.
No. thup
———
Kum 2017 Krismas thlir letna R. Lalhmangaiha, Bethlehem Vengin a ziak hi a dikin a \ha thlawt e. Kawtthler chei chungchang erawh hi chu dik lo deuhin ka ring. Ka hmuh ve dan chuan kum engemawzat chhung kha veng tam takin lawmman hmuh beisei miah lovin hah tak leh sum tam tak sengin mipui tan veng an lo chei tawh a, mipui pawhin kan hlut \hin hle. Lawmman siam a nih a\angin veng chei hi an tui lo ta zawk ni hlawmin ka hria. AMC-in lawmman an siam tur puan tlai vanga chei lo niin ka hre ve thei lo tlat. Lawmman beisei lova inpe taka an chei laia lawmman lo siam vel hi an tifuh lo zawk niin ka hria. Mahse, halpuah chungchang ang deuh hian a hma anga awm leh chu thil har tak a nih tawh ka ring bawk.
Puipuii pi
———–
Garage neih hun chhung a tawp hnuah veng tla fual, motor tlawh tam loh zawknaah LC te an strict em em laiin kawngpui hmun hrang hrang leh Ramhlun South YMA Hall bulah sawn engmah awmzia a awm chuang lo. Heng hmun lailiah pawh an dah sawn theih loh chuan veng mawng lam, motor kal tam lohnaah phei chuan LC te hian hma hi la tawh bik lo mai rawh se.
Pa Mawitea
————–
