Hnampa, Mahatma Gandhi-a piancham puala kum tina Faina Hapta hman \hin chu tukin khan Aizawl Lammual-ah UD&PA Minister Pu Zodintluanga’n a hawng a, kum 1977 a\anga Faina Hapta hman \hin chu tun hi a kum 40-na, Ruby Jubilee a nih thu sawiin, ram leh hnam changkanna tehfung pawimawh tak a nih avangin, Cleanliness Week mai hmang tawh lovin, Cleanliness Year hman a nih dawn tak thu a puang a ni. He Cleanliness Year hian nakkum October ni 1 thleng a huam dawn a. He kum khat chhung hian faina kawngah nasa takin Mizoram dung leh vangah sorkar-in ruahman angin \an lak a ni dawn niin a sawi. Minister chuan Mizoram khawpui hrang hrangah kum tin, khaw fai intihsiak chhunzawm zel a nih tur thu leh, nakkum atana lo inbuatsaih turin khaw tin a chah nghal a, Mizoramin ek in ni lo, hmar chhak biala pawn lama inthiar awm lohna hmasa ber nih a tum laiin, Sikkim chu pakhatna an ni ta a, heti chung hian pahnihna ni turin theihtawp chhuah chhunzawm zel a, India rama state fai ber nih tum mek niin a sawi bawk.
A vawi khatna atan kumin khaw fai inelna neihah hian Category hnih a awm a, Category I-ah District khawpui 8 endik a ni a, Category-II ah khawpui dang 15 an in-el thung a ni. Category-I a fai lawmman dawngtute chu Mamit, Lunglei, Champhai, Kolasib, Siaha, Serchhip, Aizawl leh Lawngtlai an ni a. Category-II hnuaiah Biate, Hnahthial, Saitual, Lengpui, Zawlnuam, Sairang, Kawnpui, Khawhai, Tlabung, Khawzawl, Darlawn, North Vanlaiphai, Bairabi, Vairengte leh Thenzawl an ni a. A pahniha l^k kawpa Mizorama khaw fai berah Biate thlan a ni a, Hnahthial leh Mamit-in an dawt a ni. Category I leh II ah hian lawmman pakhatna hian certificate leh cheng nuai 1, pahnihna-in certificate leh cheng sing nga, pathumna in certificate leh cheng sing thum an dawng a, a bak zawngin consolation prize certificate leh cheng sangnga an dawng a ni. A pumpuia lawmman dawngtute hian certificate an dawng \heuh bawk a ni.
