Hemi hmalam hian Zuckerberg hian Reliance Industries Ltd. mobile telecom company, Reliance Jio-ah US dollar tluklehdingawn 5.7 a lo dah tawh a ni.
Zuckerberg hian Reliance Industries Chairman, Mukesh Ambani nen an thawk dun dawn tih a sawi a, Ambani chuan US dollar tluklehdingawn 47.5 hu vel bul \an nan a dah tih a sawi a, lawmthu a hrilh a ni.
Facebook Inc. chuan WhatsApp leh Reliance Industries Ltd.-a JioMart inkarah thawh dunna \ha tak a awm theih nan chutah chuan hma an la hmasa ang tih a puang a ni.
Zuckerberg chuan Facebook chu Jio nen hna lian tham dangah te pawh thawh dun zel an tum tih a sawi. India ram mipuite tana ham\hatna awm thei tur sumdawnna hawn a tum tih a sawi a, India chu mihring cheng tamna ram a nih angin Facebook leh WhatsApp hmangtu pawh an tam hle a, sumdawnna kawnga thiamna nei \ha tak tak pawh an tam a ni a ti a, chung mite chuan online-a sumdawnna an kalpui theihna turin Jio chuan chanvo pawimawh tak a nei a ni a ti.
Mukesh Ambani chuan Reliance Jio chuan phur takin Facebook Inc. chu thawhpui atan a pawm tih a sawi a, Mark Zuckerberg-a inpekna vangin India ram mipuite tan an thawk dawn tih a sawi.
Tun dinhmunah ram chhunga WhatsApp hmang zawng zawng chu mi maktaduai 400 an tling a, smartphone hmangtu za zela 80 dawnin WhatsApp an hmang a ni.
