Facebook-a sorkar mi pawimawhte vau ching, kum 19 mi, Assam-ah man a ni. Police te chuan Majuli-a zirlai pakhat, Manuranjan Baruah chu PM, Narendra Modi, Assam CM, Sarbananda Sonowal leh Education Minister, Himanta Biswa Sarma te vauna a thawn avangin Bongaon-ah an man tih an sawi a, Bongaon-a hmeichhe pakhat pawh vauna a thawn thin niin an sawi bawk. Dist. SP, Nimbalkar chuan Baruah hian United Mahabir Force of Assam mi niin a insawi niin a sawi a, CID te puihna-in thu an dawn atanga darkar 24 chhungin an man tih a sawi bawk.
