Excise & Narcotics Department-in nimin leh vawiin khan dan lova zu siamna hmun dap chhuah beihpui an thlak a, Zu siamna hmun 27 an tichhiat bakah rakzu litre 510 an man.

Excise Duty-te hian nimin khan Zu siamna hmun 8 an tihchhiat bakah Rakzu Litres 390 bakah Zu bilh lai \in 320 leh zu siamna bel set 8 an man a . Vawiin khan Phunchawng leh a chheh velah Zu siamna hmun 5 an tihchhiat bakah Rakzu Litre 60, Zu bilh lai \in 220 leh zu siamna bel set 8 an man bawk.

Excise hotute chuan, heng zu siamna hmun an tihchhiatte hi inkharkhip kalpui hmaa siam an ni hlawm tih an sawi a, tunlai hian inkharkhip avangin Buhfai leh zu siamna hmanraw dang a vang a, zu hi thil dang hmanga siam an awm nia hriat a nih avangin Rakzu chu a hlauhawm zual nia an hriat thu an sawi.