He thu hi vawiina Mizoram State Legal Services Authority, Excise & Narcotic Department leh Central YMA \ang hovin ND&PS Act leh Mizorar Liquor Prohibition Act zir hona an buatsaih a hmanpuinaah a sawi a, Mizoramin ruihhlo avanga harsatna a tawh chu tute harsatna bik a ni lo a, mimal, chhung tin leh khawtlanga thleng vek thei a nih avangin a do kawngah \an lak ho a \ul tih a sawi. Dr. K Beichhua chuan, Mizoten ruihhlo avanga harsatna an tawh chu hnam dangin an rawn thawk dawn lova Mizo vekin a do a ngai a, Excise emaw, YMA emaw leh Police emaw te tih tur bik ni lovin thukhat vuaa do a pawimawh tih a sawi. Ruihhlo ngai leh harsatna tawkte enkawl turin Social Wefare Department hnuaiah hmalak a ni dawn tih sawiin, Dr. K Beichhua chuan, Drugs treatment & Rihabilitation Rules thar pawh an neih tawh thu leh hemi hmang hian Home hrang hrangte chu enkawl an ni dawn tih a sawi a, Social Welfare Department hnuaia Mizoram Defence & Rehabilitation Board-in naupang kum 10-18 inkar ruihhlo a in hnamhnawih an awm em tih an zirchiang mek a, an zirchianna hi August thlaah report theh lut tura tih an nih thu leh hei hian an hmalakna turah nasa takin a pui thei dawn a ni, a ti.
Central YMA hnuaia Kumpuan Committee Chairman, Pu R. Lalngheta pawhin, ruihhlo do kawngah hma an sawn tawh hle tih a sawi a, tunhmaa arkhawthimdai ang kha an ni tawh loh thu leh a theih chin chinah dan hmanga an kal thu a sawi a. Excise leh Police te nen pawh thawhho zel a ni, a ti. He inkhawm hi Mizoram State Legal Services Authority Member Secretary, Pu Vanlalenmawia’n a kaihhruai a, Excise &Narcotic Asst. Commissioner, Pu Peter Zohmingthanga’n ND&PS Act chungchang a sawifiah bakah Advocate, Pu T Lalnunsiama’n Mizoram Liquor Prohibition Act chungchang a sawifiah a, heng thupui pahni hi sawi ho a ni bawk.
