Excise and Narcotics Dept hotuten MLP Rules 2019 hnuaiah Rakzu siam phalna licence pek tum a nih loh thu an sawi a, MLP Rules-a zu siam phalna pek theihna chu Champhai leh Hnahlan-a grape chingtuten wine an siam \hin tinzawn a siam a nih thu an sawi.

Excise & Narcotic Deptt. Secretary Pu K.T. Beicho-a pisa-a chanchinbumi \henkhat dept hotuten an kawmnaah Excise & Narcotics Commissioner Pu Ngurchungnunga Sailo chuan, MLP Rules-a zu siam phalna pek theih dan tarlan chu rakzu siam tumna lam a ni lo tih a sawi.

MLP Rule 17-na leh 18-naah te chuan tualchhung zu siam phalna pek theih dan hi tarlan a ni a, chutah chuan sorkarin \ha a tih chuan zu siam emaw, supply emaw, wholesale emaw, retail emaw-a hralh theih turin phalna pek theih a nih tur thu tarlan a ni a, hei hi khawi lai hmun bik atan emaw hun bik engemaw atan pek theih anih tur thu tarlan a ni.