Volunteer pahnih te vaccine hi pek chhin an ni a, mi 800 chuang vulunteer hi an awm a, a zatve vel vaccine hi pek an ni ang a, a zatve dang chu sentut venna vaccine pek an ni ang. Hetianga vaccine hrang pek an nih chhan hi tu zawngin nge Covid-19 vaccine dawng tih anmahni an inhriat lohna tur a ni a, doctorte erawh chuan fel takin an chhin chhiah hrang dawn thung.
Vaccine hi Oxford University-a mithiam rualten thla thum an zirchian hnua an siam chhuah a ni a, Jenner Institute-a Vaccinology professor Sarah Gilbert kaihhruaina hnuaiah vaccine enchhinna hi neih a ni a, a hlawhtlin ngei an beisei tih a sawi.
