Prime Minister Hailemariam Desalegn a inhnuhdawh thut avangin Ethiopia ah Emergency puan a ni. Sorkar thupuangtu chuan sorkar laka lungawilona lantirtute chetna avangin emergency hi puan a ni tih a sawi a, Ethiopia ram buaina avang hian kum thum kalta atang khan mi 100 chuangin nunna an chan tawh a ni. Nikum lam khan thla 10 chhung zet Emergency hi puan a lo ni tawh a, eptu pawl thlawptu mi sang chuang Jail atanga chhuah an nih hnuah pawh buaina hi a la reh thei chuang lo a ni. Tun tuma emergency puan leh tak hi engtianga kalpui tur nge tih leh engang khuahkhirhna nge a ken tel tih puan chian a la awm lo a, nitin mipui lungawi lo kawtthlerah an punkhawm reng avangin sorkar in harsatna tam tak a tawk mek a ni. Prime Minister Hailemariam hian kum khat zet buaina leh harsatna an ramin a tawh chu a reh theihna turin anihna atangin a bang tih Nilaini khan a puang a ni. Ethiopia ah hian November 2015 atang tawh khan Politics buaina hi a intan tawh a ni.
Chanchin Thar Ethiopia PM inhnukdawk, Emergency puang
