Eptu pawlte Mayor thlanna-a tel turin Venezuela President-in ti

Venezuela President, Nicolas Maduro-a’n eptu pawlte chu Mayor thlanna-a an tel duh loh chuan, nakkuma President thlanna-ah an tel ve theih loh tur thu, nimin khan a puang a, hei hi a thuneihna sawh ngheh a tumna nia ngaih a ni. President Maduro-a laka lungawi lohna lantirtu, eptu hruaitute zingah hian Henrique Capriles, Leopoldo Lopez leh mi dangte an tel a, tualchhung roreltu turte thlannaa vote a thlak zawhah President Maduro-a chuan, thuneihna a neih belhna chu National Constituent Assembly siam nia sawiin, eptu pawlte leh ram dangten nasa takin dodal mah se, President thuneihna chu ram danpui hnuaia pek niin a sawi. President Maduro-a hnathawh dan hi ram mipui za zela 30 vel chauhin \ha ti mah se, nakkuma President thlanna tur chu chuh a tum hle a, tualchhung roreltute thlanna-ah hian eptute an tel \hat duh loh avangin, Maduro-a chuan Mayor 355 zinga 300 an la niin a sawi a, mi nuai 93 velin vote an thlak tho niin a sawi.