Thawhlehni-a Purulia-a Santuri-ah vantlang inkhawm buatsaiha thu sawiin Mamata Banerjee chuan Narendra Modi-a’n dan lo-a mipuite pawisa chhuhsaka a puh chu chhangletin mipui rorelna sawrkar an ni tih a hriatchhuah nan benharh a duh thu a sawi a, hemi chungchangah hian Sushma Swaraj chuan Mamata chu state Chief Minister a nih angin Prime Minister nilai Narendra Modi chu a biak leh a ngai dawn a, a inchhirna tur \awngkam hmang tawh lo turin a chah a ni.
Thawhlehni vek hian Congress General Secretary Priyanka Gandhi Vadra chuan PM Modi-a’n a pa Rajiv Gandhi chu ram sum eiru hnem ber angin a thi tih a sawi chungchangah sawiselna tur thl dang an hmuh zawh loh apiangin an chhungkua bei \hin-ah a puh a, PM Modi chu mi chapo tak a nih thu sawiin ramin chapona a ngaidam ngai lo a ti a, Modi-a chapona chu Hindu thawnthu Mahabharat-a mi sual Duryodhan-a chapona nen a tehkhin a ni.
Congress hotu Sanjay Nirupam chuan Varanasi-a campaignaah temple tam tak tihchhiat an ni tih a hmuh thu sawiin Aurangzeb-a rorelna hnuaiah pawh khan kawng siamnan temple tam tak tihchhiat a ni a ti a, hei hi Prime Minister Modi nena tehkhinin, temple tlawhnan-a mipui te laka chhiah a phut chu a dem thu a sawi a, Hindu mi te rinaa leh dikna humhim anga insawi si a, a chetdan chu a inkalh hle a ni a ti.
Priyanka Gandhi thusawi chungchangah Sushma Swaraj chuan Rahul Gandhi-a hian Prime Minister hlui Manmohan Singh-a hun laia ordinance siam chu a pawtthler tawh nia sawiin hei hian amah aia chapo an awm lo tih a lantir a ni ti thung.
