2020-21 Mizoram Budget a tlangpuia sawi hona-ah Pu Lalduhoma hian budget \ha leh \ha lo tehna hrang hrang a\anga tehin Mizoram budget chu a \ha lo hle a, central a\anga sum hmuh tur beisei tarlan pawh a tak takah chuan hmuh phak a beiseiawm loh a ni a ti a, a bika Mizoramin duhsakna a dawn \hin State Special Needs ang chi te, Kawng, leilawn leh building enkawlna tur sum te, ramngaw venhimna tur te leh police modernization scheme te pawh budget ah a lang ta lo a, Special category pawh nuaibo vek a ni a ti.
Pu Duhoma hian MNF leh India sorkar inremna Memorandum of settlement-a Special Category-a Mizoram enkawl zel tur tih chu Mizoram sorkarin a lek ngam ta lo em ni tih a zawt a ni.
Pu Duhoma hian Mizoram sorkarin a puala chhiah leh a kaihhnawih, thil dang a\anga a sum hmuh tur budget-a tih pun a ni chuan chhiah pung tur a entir a ni a ti a, tui bill, electric bill, hospital bill te thlengin a pung dawn tih a chiang a ni a ti a., kum khat chhungin MNF sorkar hnuaiah Fiscal Deficit nasa takin a pung a, sorkar leiba pawh GSDP a\anga chhutin a pung a, GSDP a tlahniam a, sorkar inrelbawlnaa sum senso Revenue Expenditure a san choh dawrh laiin, hmasawnna hna thar thawhna tur Capital expenditure nasa takin a tlahniam nghal a ni a ti a, Mizoramin Finance Minister tha a mamawh a ni a ti.
