Nimina Mussoorie, Utarakhand-a Finance Commission 15-na a State hrang hrangin an mamawh an thlen chungchang an sawihonaah Pu TJ Lalnuntluanga hi Chief Minister Pu Zoramthanga aiawhin a tel a, Mizoram chu ruahtui tlak tamna leh leilung nghet lo a nih thu a sawi a, hemi avanga chhiatna a thlen thulha, hmalakna tur sum tam zawk pe tur te, motor kawngpui leh hmasawnna ruhrel dang \ha zawk dinna tur sum ruahman tur te, khawlum zel tur venna tura ramngaw humhalhna tur sum tam zawk Mizoramin a mamawh thu te a sawi a ni.
Transport Minister nibawk Pu TJ Lalnuntluanga hian, Mizorama lui luangte hmang \angkaia lawng hmanga veivahna tur, Inland Water Transport a hlawhtlin theihna turin chak zawka hmalak \ul a tih thu a sawi a, Inland water Transport chu Mizoram mai ni lo ram pum huap pawha khaw chhak lam leh thlang lam ramte nena inkalpawhna pawimawh anih dawn avangin ngaihpawimawh a \ul a ni a ti a, ramri-a insumdawn tawnna turin intergrated check post leh immigration check post changtlung zawk siam a \ul thu te, Mizoramin thlawhna \umhmun a mamawh belh thu te leh Lengpui \umhmun tihchangtlunna tur sum mamawh a nih thu te a sawi bawk.
Sawihonaah hian Finance Minister Nirmala Sitamaran-i hovin, State tin Chief Minister leh an aiawhte, 15th Finance Commission Chairman, Niti Ayog Vice Chairmna leh mipawimawh dang te an tel a ni.
