Forest Minister chuan hnathawktu indaihlohna leh department mamawh hrang hrang pawh sorkarin a hriat thu sawiin Central sorkar a\anga sum hmuh theih te hmangin DFO Office chu thuam\hat an tum dawn niin a sawi a, hnathawktu indaihlohna pawh Chief Minister a sawipui tawh thu leh hnathawktu lak belh tura dilna siam mek a nih thu a sawi bawk.
Minister hi DFO Pu C. Lalbiaka leh a staff-ten an lo dawngsawng a, DFO chuan Green India Mission hnuaia an hnathawh te, kawngpui sira thing an phun dan te, damdawia hman theih chi thing leh thlai Medicinal Plants an phun dan te leh ramngaw leh nungchate humhalh tura hna an thawh dan te Minister hi an hrilh a ni.
Minister hian tukin khan Champhai khawpui kawtchhuah Aizawl lama Kanan Venga lei min kum hlun vanga mipuiten harsatna an tawh \hin sukiang tura PWD-in hna an thawh dan a en bawk a ni. He leimin kumhluna kawng chhia siam \ha tur hian PWD chuan Contractor MRBB Construction-te a hrilh tawh a, Constractor hian hna a thawk mek a ni. Minister hi PWD Officer te, khawtlang hruaitute leh party miten an \awiawm a ni.
