Saphu kawr an man hi tualchhung hralnaa chhutin cheng nuaih 4 sing 5 man vel a ni a. Saphu kawr hi hralh an tum lai man a ni a, a hralh tumtu bera puh, Khuplianthanga Champhai chu manin thubuai siamsak a ni a, man a nih hnuah vawiin khan Champhai District Jail-ah dahluh a ni. Champhai RO, Pu Thanliana Hauhnar sawi danin Saphu hi The Wild Life (Protection) Act, 1972 hnuaiah Scheduled-I hnuaia humhalh a ni a, tih hlum leh a kaihhnawiha dan bawhchhiate chu kum thum thleng lungin tantir leh Rs 25,000 aia tlem lo chawitira hrem theih an ni.
