Forest Department hmalakna chu awmze nei leh mumal zawka kalpui a nih chuan |amdil mai bakah Mizorama dil dangte pawh tlawh châkawm zawk leh nuam zawka sawngbawl theih nia an ngaih thu an sawi. ?amdil chu Mizoram laili tak leh Aizawl khawpui a\anga hla lote a awm a nih avangin ram pawn leh chhûnga khualzinte tlawh nuam leh hahchawlhna nuam tak a nih theih nana \anlak lehzual a \ul hlea an ngaih thu sawiin, Mizoram mawina leh khualzin hip theihna tur ram ngaw leh nungchate humhalh a, mi dang hîp tura buatsaih kawngah Forest department chuan mawhphurhna lian tak a nei nia an ngaih thu an sawi a, hemi kawngah hian nasa lehzuala \anlak ni se an duh thu an sawi a ni. Prism \halai chuan, Mizoram hmun tam takah Department hrang hrangin Rest House, Bungalow leh Quarter engemaw zat an nei hlawm a, hengte hi tun dinhmunah thlenna tla kloh tamtak a awm nia sawiin, sorkar-in a enkawlna tur sum a neih loh avangin a rawih chhe mêk hlawm a. Sum awm hmasa hmanga heng building te hi sa mai lovin, ramin a mamawh ang leh enkawl zawh tawk siam ni se; sum leh pai awmze nei lova sen thlawnna mai leh enkawl hautak chu tihtlem zel a \ul nia an ngaih thu an sawi bawk.
