Sorkar laipui ruahmannaa sorkar hnathawk loten damdawia inenkawlna an dawn theihna dan Employees State Insurance Act, 1948 chu Mizoramah kalpui mek a nih thu leh he Scheme hi hnathawktu tam zawkin zawm thei se a duh thu Labour, Employment, Skill Development and Entrepreneurship Minister, Pu H. Rohluna’n a sawi. MNF member, Pu Lalrinawma zawhna leh zawhbelhna dangte a chhannaah Pu H. Rohluna chuan, Employees State Insurance Act, 1948 hi Sorkar laipui Labour and Employment Ministry hnuaia Employee State Corporation-in a enkawl a nih thu leh Mizoramah pawh Pisa changtlung tak hawn a nih tawh thu a sawi a, tunah hian Aizawl Venghluiah Dispensary changtlung taka din tawh niin, Doctor pakhat leh a thawhpuiten an \huthchilh mek tih a sawi. Vawiin thlengin he dan hnuaiah hian Mizorama Company 52-a thawktu 1,072 an inziahluk tawh tih a sawi. LESD&E Minister chuan, he dan hnuaiah hian Private Company-a hnathawk thla khata cheng 21,000 hlawh chin an inziaklut thei a, member tinin thla tin an hlawh a\anga zaa 1.75 leh an mahni ruaitu Company-in zaa 4.75, a vaiin zaa 6.50 an chhun luh ve a ngai tih a sawi a. Hemi atan hian Sorkar laipui chu thui tak a inhuam thu leh member inzaklut 15,000 an awm hunah phei chuan khum 100 awm theihna damdawi in lian tak din pawh an inhuam niin a saiw a, Company hrang hrangte chuan he dan hnuaiah hian an hnuaia hnathawkte ziaklut thei se a duh thu Pu H. Rohluna chuan a sawi.
