Electronic Point Of Sale (ePoS) hi mipuiten an chanpual dik tak a hun takah kim taka an dawn theihna tura ruahman a ni a, hei hian a nihna tur ang lova Ration bothlau tur chu a veng thei dawn a ni. A hawnna inkhawmah thusawiin, Pu K. Lalrinliana chuan, Mizorama Fair Price Shop dawr zawng zawngah ePoS khawl hi hman tum a nih thu sawiin, mipuite chu dik taka an chanpual \heuh an chan theih nan an aadhaar card leh ration card thlun zawm vek turin a chah a. Tun thla chhung hian Aizawl khawpui chhunga Fair Price Shop dawr 149-ah he khawl hi bun hman vek tum a ni, a ti.
Tunah hian Mizoram pumah Fair Price Shop dawr 1,270 a awm mek a. Heng dawr hrang hrangah hian hetiang ruahmanna hi kalpui vek tum a ni a, hei hi Ministry of Consumer Affairs, Food & Public Distribution leh National Informatics Centre hmalaknaa India ram pumah kalpui mek a ni a, Mizoramah chuan vawiin hawn tak hi a hmasa ber a ni.
