Election Commission thupek angin Mizoram Electoral Roll ennawn hna chu December ni 28 a\ang khan thawh mek a ni a, kum tling thar leh inthun thar dil duhte tan tun thla ni 25 thleng hun hawn a ni a, hemi chhunga thun belh leh siam\hat diltute dilna chu February ni 11 hmaa chinfel a ni ang a, Electoral Roll la thun belh turte hming chhut chhuah leh tih dik ngai tih dik hna chu February ni 18-ah zawh a ni ang a, Electoral Roll thar inthlannaa hman theih tur chu February ni 22-ah peihfel a ni ang.

Hetihlai hian Mizoram Bru Displaced People Forum chuan Tripura Bru Relief Camp 6-a awm kum tling thar leh hmaih \helh awm te Mizoram Electoral Roll-a thun an nih theih nan leh Tripura Bru Camp-a Polling Station siam leh a nih theih nan Election Commission-ah ngenna a thlen a, chu chu Mizoram Chief Electoral Officer hnenah thawn let a ni a, hemi chungchang hi zanina Central YMA Office-a Central Executive Committee \hukhawm turin a ngaihtuah dawn a, hemi bakah hian Citizenship Amendment Bill, 2016 tun hnaia Lok Sabha-in a pass tak chungchang pawh sawi tel a ni ang.

Hetihlai hian Lunglei Sub Hqrs. YMA chuan Inrinni kaltaa an Committee thutlukna bawhzuiin Mizoram pawna awm Tuikuk te Mizoram chhunga Assembly Constituency pathum, Lunglei South, Thorang leh West Tuipui Constituency huam chhunga nikuma Electoral Roll-a thun thar mi 200 chuang te leh Mizorama rei tak awm tawh lo, Tripura Bru Camp hrang hranga awmte Electoral Roll a\anga paih an nih theihna turin hnam hnatlang an nei dawn a, Lunglei Sub Hqrs. YMA thuchhuah tarlan danin form 7 hmanga object tu tur te hi naktuk leh naktipah hmun hrang hrang panin an zin chhuak ang a, khaw hrang hranga YMA Branch hruaitute nen \angrualin hearing neih hunah heng mite hi Electoral Roll a\anga paih an nih theih nan hma an la dawn a ni.