He Polling Station-ah hian tun thla ni 28-a Mizoram Assembly inthlanna vote thlak ni khan EVM leh VVPAT te a \hat loh avangin vote thlak zawh hman a ni lova, hemi chungchang hi Observer leh Returning Officer-te chuan Mizoram CEO hnenah leh Election Commission-ah an thehluta, hei hi ngaihtuahin Election Commission chuan Representation of the People Act, 1951, Section 58, Sub Section two thlawh chhanin karleh Thawhlehni, December ni 4 a vote thlak \hat nan ruahmanna a siam ta a ni. Zonet zawhna chhangin Lawngtlai Bawrhsap, Pu N. Chakhai, he inthlannaa District Election Officer ni bawk chuan Ajasora-ah hian inthlanni khan VVPAT a chhiat vangin hmun dang a\angin a thlakna thawn a ni a, chawhnu dar 2-ah chauh thlak fel a, vote thlak chhunzawm leh theih a nih avangin he Polling Station-a vote thlak thei awm zat 1,080 zinga 714 te chuan zan dar 12 thleng khan vote an thlak hman a, VVPAT hi zan dar 12 thleng chauh hnathawk thei tura set a nih avangin zan dar 12:30 hnuah a thi ta a, hetihlai hian Polling Station Area chhungah vote thlak tur intlar mi \hahnem tak an la awm avangin vote thlak \hat leh hi ngai ta a ni. District Election Officer chuan Ajasora-a vote thlak \ha leh tur hian ruahmanna engkim peihfel vek tawh niin a sawi a, Presiding Officer pakhat, Assistant Presiding Officer pakhat dang leh Polling Officer pahnih ruat an ni a, an ni bakah hian Reserve Presiding Officer leh Assistant Presiding Officer te pawh ruat fel vek an ni tawh a, Master Trainer-in a ho ang a, a chhiat thulha thlak nan EVM khawl pahnih leh VVPAT pahnih an keng tel dawn a ni.
