He mi rual hian Assembly bial hrang hranga Returning Officer-te pawhin an bial chan \heuha inthlanna neihna turin vawiin khan hriattirna an chhuah ve nghal a ni. Election Commission ruahmanna siam angin vawiin a\anga tunhla ni 9, karleh zirtawpni thleng inthlanna a chuh tumte tan hming pekluh theih a ni ang a, hming pekluhte chu ni 12, thawh\anniah endik a ni anga, inhnuk dawk leh duhte tana inhnuhdawh theihna ni hnuhnung ber chu tunthla ni 14 a ni ang.
Vote thlak ni tura ruat chu tunthla ni 28 a nia, hemi ni hian zing dar 7 a\anga tlai dar 4 thleng vote thlak theih a ni anga, Vote tlate hi State danga inthlanna a vote tla chhiar rualin December ni 11-ah chhiar a ni anga, inthlanna pumpui chu December ni 13-ah zawhfel tur a ni. Mizoram Legislative Assembly dinglai term hi kumin December ni 15-a tawp tur a nih avangin a tawp hma ngei hian a thlaktu tur sorkar thar a din a ngai a ni. Election Commission ruahman dan chuan tun \uma Mizoram Assembly inthlannaah hian vote thlakna khawl, Electronic Voting Machine, Ballot Unit 1,859 leh Control Unit 1,841 hman a nih bakah vote thlaktute vote thlak dan chhinchhiahtu VVPAT 1,751 hman a ni dawn a, Mizorama vote nei zawng zawng hi mi 7,68,181 an ni a, an vote thlakna turin Polling Station 1,164 ruahman a ni. Boruak \ha leh muanawm tak hnuaia inthlanna neih theih nan venhimna hna thawk turin Mizoram Police company 48 leh Central Armed Police Force company 40 rawih an ni dawn a ni. Inthlanna dik leh felfai taka neih theih nan Election Commission mi tirh Observer leh sum hman dan enfiahtu Expenditure Observer tam tawk dah an ni bawk ang.
Mizoram ruala State dang Assembly inthlang turte chu Rajasthan, Madhya Pradesh, Chhatisgarh leh Telengana-te an ni.
