Election Commission of India-in dik lo taka Tripura-a awm Tuikuk-te Mizorama vote a thlak tir \hin chu Prism Party-in Court-a khin a tum a, Public Interest Litigation thehluh a tumah inbuatsaihna atan Signature Campaign vawiin khan an \an.

Prism hian Tripura-a cheng Tuikuk-ten Mizorama vote an neih chhan chu ECI in dan bawhchhiaa a thuneihna baka chea ‘ordinary residents of Mizoram’-a a puan vang a ni tih an sawi a, ECI hian hetianga mi tute emaw ordinary residents-a puang tur hian thuneihna a neih loh avang leh an dan tlawhchhan hi Jammu and Kashmir Representation of the Peoples Act anih avangin Court-ah PIL thehluta ECI hi khin hneh theih an inring tih an sawi. Hetih rual hian he hmalaknaa an chak ngei theih nan PIL thehluh hi mipuiin an duh tih an lantir hmasak a \hat avangin PIL File duhten an thlawpna an lantir theih nan signature campaign hi an buatsaih a ni.