Sukumar Sen hian kum 1950 March ni 21 khan Chief Election Commissioner hmasa ber ni turin a hna a zawm a, kum 1958 December ni 19 thleng he hna hi a chelh a ni.
Amah hriatreng nana hun hmannaah hian President hlui, Pranab Mukherjee chuan thusawiin, general election \um hnih lai Sen chuan hneh takin a lo neihpui tawh tih a sawi a, Crown colony a\anga sovereign Democratic Republic-a India a luhna kawng sialtu pawimawh tak a ni a ti. Mukherjee chuan CAA vanga lungawilohna lantir chungchang chu sawiin thla hmasa lawkah lungawilohna lantirtu mipui tam tak hmuh tur an awm a, \halaiten an hmakhua thlirin an tana thil pawimawh tak nia an hriat chu an auchhuahpui a, India ram danpuia rinna an nghah nasat dan chu a ngaihtuahin a mimal nun a khawih nasa hle tih sawiin chu chuan chona nasa tak a pe tih a sawi bawk.
Chief Election Commissioner Sunil Arora pawhin thusawiin, an hun hmanin a tum ber chu Election Commission of India huang chhunga an dan neih anga thu laila taka mipui rorelna leh inthlanna ngaihtuah ho a ni a ti a, ram chhunga political party hrang hrangte, dan anga thil \ha tih kawnga midangte kawhhmuhtute leh civil society-a mi inhmang tak tak te tiamin lungrualna tlanga ding ho turin Election Commission chuan duhsakna a hlan a ni a ti bawk.
ECI Chief Election Commissioner hmasa ber, Sukumar Sen hian kum 1952 -a Lok Sabha inthlanna kha a kaihruai a, kum 1957-ah Lok Sabha inthlanna leh Legislative Assembly election chu a rualin a kaihruai bawk a ni.
