Tripura-ah hian Lok sabha inthlan vote thlak hi thawh 2-a kalpui a ni a, mipuite chuan April ni 11 leh ni 18 khan vote an thlak a, thawh 1-naah hian Tripura hi vote thla tam ber zingah 5-na ni phakin vote zaa 83.26 a tla a, amaherawhchu Congress leh Communist Party of India te chuan BJP party mi te’n vote tla te an khawihchingpen nia sawiin, polling booth-ah tih luihna in mipui te chu an duh lohnaah vote an thlak luih tir tih Election Commission-ah an thlen a, vote thlak \hat leh an phut a, Election Commission hian hma a lak loh chuan Suprem Court-a thubuai an thehluh tur thu an sawi bawk a, April ni 16 khan Communist Party of India hotute chuan Agartala-ah leh Delhi-ah lungawi lohna an lantir bawk a ni.
Election Commission chuan Representation of the People Act hnuaia Section 58, Sub-Section (2) hnuaiah April ni 11-a Tripura West bial-a polling station 168-a vote tla te chu pawm theih a nih loh thu puangin May ni 12-ah zing dar 7 a\anga tlai dar 5 thleng vote thlak \ha turin thutlukna a siam a, state CEO chu he ruahmanna puangzar tur leh party candidate te pawh hrilh turin a ti a ni.
