Election Commission chuan Delhi-a rorel lai, AAP MLA 20-te chu MLA ni chunga dan phal loha hlawkna têl an nih vangin, MLA an nihna hlihsak a rawt. EC rawtna hi President hnenah thlen nghal a ni a, a pawm chuan he’ng MLA-te hi an nihna hlisak a ni ang a, Delhi Assembly seat 20-ah inthlan that a tul dawn a ni. Puan tawh angin, Kum 2017, July ni 26 khan Supreme Court chuan state sorkarin Parliamentary Secretary a ruat thin chu ram danpui kalh-ah a puang a, he dan thar tlawhchhan hian AAP MLA 21 te chu kum 2015 March ni 13 atanga kum 2016, September ni 8 thleng khan, Minister of State dinhmun nen inang khata, Parliamentary Secretary hna an chelh vangin, an nihna hlihsak hi rawt a ni a, an zinga pakhat chu nikum khan a lo bang tawh a ni.
Parliamentary Secretary ruat theihna dan hi Assam sorakrin kum 2004 khan a lo hmang tan tawh a, hemi chungchang hi Justice Chelameswar, Justice RK Agrawal leh Justice AM Sapre te thutna SC bench chuan ngaihtuahin ram danpui kalh a ni an ti a, hetiang post siam tur hian state sorkarin thuneihna a nei lo tiin an lo rel tawh a ni.
