US President Donald Trump-a’n Haiti leh Africa khawmualpui ramte sawi nan “ek khur” tih \awngkam, White House-a \hut khawmnaah a hmang nia sawi vangin khawvel ram hrang hranga mipui an lungawi lo hle. Trump-a’n he \awngkam hi a hmang nia sawi chhuaktu chu Washington Post a ni a, a thuchhuah hi White House pawhin a phat loh avangin, sawi leh theh darh a hlawh hle a, Trump chuan he \hutkhawmnaah hian \awngkam mawi lo deuhte hman ni mah se, “ek khur” tih \awngkam tak chu hman a ni lo niin a sawi na a, he \hut khawmnaa tel, Democrat Senator, Richard Durbin chuan Trump-a hian a hmang ngei niin a sawi a, chi leh chi inthliarna \awngkam leh midang huatna rawng kai thil tam tak, Trump hian a sawi chhuak niin a sawi thung a, America President pisa-a hetiang \awngkam hman a ni chu awih harsa a tih thu a sawi bawk a ni. He \hut khawmnaah hian Trump chuan South America khawmualpui leh Africa ram-te ai chuan, Norway leh a \henawm ramte a\anga America-a pem l<t tam zawk se a duh thute pawh a sawi nia hriat a ni a, UN-a Human Rights thupuangtu, Rupert Colville chuan vun ngo an nih loh avanga ram dang mi lo lawm loh ringawt chu thil dik a nih loh bakah, an ram sawi nana \awngkam mawihnai lo tak hman chu thil \ha lo tak niin a sawi.
Chanchin Thar Ek khur tih tawngkam hman vangin Trump-a’n dem hlawh, chi leh chi...
