Mipui lungawi lo pungkhawm hnawh darh nan tui hmanga phuh an nih bakah, mittui tlakna hlo leh \helret silaimu te hman a ni a, mi tam takin nunna an ch^n tawh a, hliam tuar mi sang chuang an awm tawh bawk.
Iraq buaina vang hian Prime Minister Adel Abdul Mahdi chuan US Secretary of State Mike Pompeo chu phone-in a bia a, mipui lungawi lo pungkhawmte hnawhdarh nana sipaite hnathawh dan te, curfew puan hlih a nih hnua khawsak phung pangngaia mipuite an khawsak leh tawh thu te, venhim hna thawktuten buaina an thunun thu leh dinhmun ngaia an let tawh thu te a hrilh a ni.
Iran hruaitu Ali Hosseini Khamenei chuan Iraq-a thihna hial thlenga buaina chhuak chu hmelma ten Tehran leh Baghdad inkara hem thlak an tumna hmanrua a ni a ti.
Iraq-a lungawi lohna ni 6 chhung lantirnaah mi 109 in nunna an ch^n tawh a, mi 6,000 ai tam an hliam bawk a ni. Sipaite chu silai hmetpuak hmasatuah puh an ni a, amaherawhchu, sorkar chuan he puhna hi a pha thung.
