Kum 2006-a Railway Minister a nih lai khan Sujata hotels neitu Sarla Gupta, a thawhpui hnai Rajya Sabha-a Rashtriya Janata Dal MP Prem Chand Gupta-a nupui ni bawk leh Indian Railway Catering and Tourism Corporation(IRCTC) hnuaia hnathawkte nena inthurualin India Railways hnuaia BNR hotel te chu IRCTC hnuaiah hlan a ni a, Sujata Hotel Private Limited te hnenah hlan chhawn a ni leh a, Sujata Hotel te hlawk bikna tura thil siksawi a nih danah thubuai siamsak a nih mai bakah, Patna-a bazaarna hmun(mall) sakna tur inhmun \in 3 hmun vela zau chu company pakhat nena inremsiamin a nupui leh fapa te hnenah hlan a ni bawk a, kum 2017 khan CBI ten an case nena inzawm Patna, Ranchi, Bhubaneshwar leh Gurgaon-a hmun 12 an dap hnuah eirukna, inbumna leh dan kalha phiarrukna-a inhnamhnawiha puhin buaina siamsak a ni bawk.
Ranchi Jail-a tang mek Lalu Prasad Yadav hi video-a inbiakpawh theihna hmangin courtah a inlan a, Special Judge Arun Bharadwaj chuan Lalu Yadav-a nupui Rabri Devi leh a fapa Tejashwi Yadav te nen January ni 19 thleng bail lailawka chhuah a rem ti a, an thubuaia ngaihtuah leh hun tur hi Feb ni 11 a ni a, Tejashwi hian rorelna dik an hmuh ngei a besei thu leh roreltute chu an rin tawk thu a sawi.
