Egypt president Abdel Fattah el-Sisi laka mipuiten lungawi lohna an lantir dan puangzartu chanchinbumi man tawkte chu chhuah thuai turin US a inkhuar chanchinbumite thlavang hauhtu pawlin a phut.

Chanchinbumi, Alaa abdelfattah, Nasser Abdelhafez, Engi Abdel Wahab leh midang pathumte chu mipui lungawi lo te chet dan a hmunah enfiah laia man an ni. US-a inkhuar chanchinbumite thlavang hauhtu, Committee to Protect Journalist chuan September ni 19 a\anga mipuiten sorkar laka lungawi lohna an lantir hnuah chanchinbumi 6 aia tlem lo man an ni tawh tih a sawi a, Egypt sorkar thuneitute chu thu dik lo puangzara puh-a chanchinbumite man ching tawh lo turin an beisei tih an sawi a, sorkar thil tih dan chu chanchinbumite zalenna rahbehna a ni an ti.