He thu hi vawiina an party office Mizo Hnam Run inkhawmah a sawi a, Pu Lalchhandama Ralte chuan, zirtirtu hnaruak hnawhkhah loh 2300 chuang a awm tih a sawi a, zirtirtu pakhat leh pahnih chauh awmna zirna in tam tak a awm tih sawiin zirtirtu indaih lohna zualpui phuhruk nan MR leh Contract Teacher Sorkar-in engemawzat lak a tum mai zawk a ni a ti a, MPSC in hna nghet lo an lak ngai loh thu a sawi.
Pu Lalchhandama Ralte chuan, tunah hian MPSC kaltlangin Primary School zirtirtu tur 100 leh Middle School zirtirtu tur 60 la tura hmalak mek a ni a ti a, Education Minister a nih angin Office leh in lamah pantu an tam hle tih sawiin phone emaw ziakin emaw tumah sawipui a neih lo niin a sawi a, he thilah hian a tling leh thiam te chauh lak a duh tih sawiin \halai lehkhathiam beidawnga siam chu Sorkarin a duh lo niin a sawi.
Pu Lalchhandama Ralte chuan, sorkarin a nghet lova zirtirtu lak a tum chungchangah school dinna khua mi ngei lak an nih theih nan ruahmanna siam a nih thu a sawi a, zirtirtu indaihlohna avangin zirna lamah Mizoram chu nasa takin a dam lo nia sawiin khaw \henkhatah chuan ni 100 inhlawhna atanga khawtlangin zirtirtu an rawih te a awm tih a sawi.
Hnam run inkhawmah hian Lunglei North Bialtu MLA Dr Vanlal\anpuia’n hunserh a hmang a, MNF PAC member Pu R Khawpuithanga’n a kaihruai a ni.
