Vawiina International Literacy Day Aijal club-a hmannaah thu sawiin Pu Lalchhandama Ralte chuan, Mizoramah ziak leh chhiar thiam zaa 91.33 an awm laiin thiam lo zaa 8.67 an la awm a, departmenin Kum 2015 a Departmental survey, a neihah ziak leh chhiar thiam lo mi 43,341 an awm tih hmuh chhuha a ni tih a sawi a, kawng hrang hrang a hmalak a nih hnuah hnua zirchian leh a nih thu sawiin hetah hian ziak leh chhiar thiam mi 7000 velin an pung tih sawiin mi 36700 vel ziak leh chhiar thiam lo awm anga ngaih ala nih thu a sawi.
Pu Lalchhandama Ralte chuan, ziak leh chhiar thiam chu khawtlang leh ram hmasawnna atana hmanraw pawimawh ber a nih thu a sawi a, ziak leh chhiar ngawr ngawr bakah tunlai khawvel changkanna ina a ken tel Digital literacy thlenga inzirtir a \ul thu a sawi. Pu Lalchhandama Ralte chuan,’ Ziak leh chhiar inzirtirna kawnga hmalakna chu Education Department a thawktute kutah chauh dah lova khawtlang leh kohhran NGO hrang hrangte nena thawh hona \ha neih a ngai tih sawiin Literacy rate a ram pum a pakhatna hauh thei turin tanho a ngai a ni a ti.
Inkhawm hi Education Departmetn Secretary Pi Esther Lalruatkimi’n a kaihruai a, Human Resource Development Board Vice Chairman Pu L Thangmawia, MLA in thu a sawi bakah chawhnu lamah mi zawng zawng ziak leh chhiar thiamtir vek tura \anlak dan tur an sawiho nghal a ni.
