Assembly rorel inkhawmah nimin tlai khan thu sawiin Pu Lalchhandama Ralte hian eng hna laknaah mah Hnam Run list a awm ngai lo a, tuna hna thar lak tur pawh a result-ah a lang dawn a ni a ti.
Pu Lalchhandama Ralte hian zirtirtu an lak turah MTET nei te chu an duhthusawm a nih laiin ngaihhnathiamna siam loh theih lovin MTET nei, employment exchange-a inziak lut chu 149 chauh an awm a ni a ti a, MTET nei 4000 awma sawi awm \hin chu zirtirtu hna nghet thawk mek leh RMSA leh SSA-a thawk mekte an ni a ti.
Pu Lalchhandama Ralte hian MPSC hna lak a muan \hin avang leh zirtirtu indaih lohna a nasat tawh lutuk si avangin hnalak hi MPSC kaltlang lova kalpui a ni dawn tih a sawi a. Tun hnaia zirtirtu 150 lak tharte chu kum 2017 July thlaa Cabinet-in a phalsak tawh a ni a, kum thum deuh thaw chhungin zirtirtu 150 an la fel hman chauh a ni a ti.
Pu Lalchhandama Ralte hian zirtirtu an lak turah a khaw mi ngei lak tur an awm lohna hmunah chuan an khaw \henawm emaw, an district chhung ami emaw lak an ni dawn tih a sawi a, hei hian zirtirtu mahni hnaa awm \ha duh lo leh aikal lak a tihziaawm beisei a ni a ti.
Education Minister hian hnam hmangaihna, hnam zia rang lam hawi leh nu leh pa hmangaihna te, aia upa zahna lam hawite zirlaibu-ah telh thar tum a nih thu pawh a sawi a, sorkar hmasa hunlaia bantir tawh Hindi zirtirtu 1305 te lak let leh dan kawng sorkarin a zawng mek zel niin a sawi bawk.
