Education Minister hian a bialchhunga Sailutar, Ratu, Lungsum, Damdiai leh N.Vervek khua te a tlawhnaah Hmar tlangdung zirna-in hma a sawn theih nan \anlak a ni a ti a, hmar tlangdungah zirtirtu 80 chuang dah thar a nih thu leh thawktu quarters 10 chuang sak thar a nih thu a sawi. Pu Chhantea chuan, inthlan laia a ngaihpawimawh zing ami Manipur nena inkalpawhna tur Tuivai lei chu dawh turin tender chhuah a ni tawh tih a sawi a, Bhaga nena inkalpawhna tur kawngpui sial nan survey buaipui mek a nih thu te, Kut hnathawktuten hriselna tha an neih theih nan sorkarin hma a lak thu te, SEDP Health Care scheme kaltlangin damdawi In a awmna senso bill theih turin mimal damdawi In te nen inremna siam a ni thu te pawh a sawi a, mipui mamawh phuhruk turin sorkarin theitawp a chhuah zel dawn a ni a ti. Pu Chhantea hi Aizawl North III bialtu MLA Pu C Lalmuanpuia leh SHDC CEM Pu Lalthlamuana ten an \awiawm a ni.
