Hemi puala inkhawm hi Joint Director Pu Saithanzuala’n a kaihruai a, a tlangzarhtu Pu Lalchhuanawma Hrahsel chuan, Statistical Handbook an buatsaih \hin chu tunhmain hlut a hlawh ngai lo hle tih sawiin, a copy pawh a chuang fo \hin a. Tunah erawh an siam zawh hun nghakhlel leh a copy inchan lo khawpa ngaihhlut a hlawh ta chu lawmawm a tih thu a sawi. Pu Lalchhuanawma Hrahsel chuan, Statistical Handbook-a Statistic hrang hrang dah turte chu rintlak a nih theih nan a lakkhawm kawngah pawh an fimkhur hle tih a sawi a, hei hi Sorkar leh pawl hrang hrang pawhin an hmang \angkai hle a, tuna an tihchhuah thar pawh mipui leh sorkarin an \angkaipui ngei a beisei tih a sawi.
Statistical Handbook 2018 buatsaihdan chungchang sawifiahtu Research Officer, Pi Ruth Lalrinsangi chuan, Statistical Handbook chu \um 22 an buatsaihna a nih thu a sawi a, tun\umah hian nidanga an la telh ngai loh Price Statistics leh Agriculture lam an telh thar tih sawiin, Data lakkhawm nan hian Sorkar Department, Non Government Orgianation hrang hrang leh pawimawh an tih ang zawng zawng an hrut kual a ni tih a sawi.
