July-September quarter-ah khan ram sum leh pai dinhmun \hanna hi zaa 4.5 chauh a nih avangin rampum a nghawng na hle a, mi tam tak hnathawh tur nei lovin an awm a ni. Sorkar laipuiin Economic Survey a tih chhuah tharah hian tuna sorkar kum kal laia sum leh pai dinhmun \hanna GDP growth rate chu zaa 5 tling thei tura tarlan a ni a, 2020-21 sorkar kumah chuan zaa 6 leh 6.5 a \hang chho tura beisei a ni a, Economic survey hnuhnung berah GDP growth rate hi zaa 7 tling tura chhut lawk nimahse a tling zo dawn ta lo a ni.
Chief Economic Advisor Krishnamurthy Subramanian-a leh a hote buatsaih Economic Survey hi sorkarin budget a pharh hma ni-ah Finance Minister Nirmala Sitharaman-i’n parliament in hnihah a pharh a ni.
