New Zealand hian mi tam tak kahhlum theihna silai hlauhawm chin, semi automatic rifle te mimalin an kawl khapna dan siamin, hetiang ralthuam kawlte chu sorkar-a hralh let turin a ti a, mi tam takin an silaite sorkar hnenah an hralh let a, sorkar chuan silai lei nan hian new zealand dollar 433,600 a pe chhuak tawh a, silai kawltu mi 169 ten an silai 224 an pe lut tawh a ni. Tun thlengin silai kawltu mi 900 chuangin an silai 1415 sorkara pek let an remtih thu an thlen tawh a ni.
Sorkarin silai a leikhawmte hi tih chhiat nghal zel a ni. March thla khan New Zealand Christchurch-a mosqe pakhat chu silai keng mi pakhatin luh chilhin mi 51 a kaphlum a ni. He thil thleng avang hian New Zealand sorkar chuan silai khuahkhirhna dan hi April ni 1 khan a pass a, khami \um khan Prime Minister Jacinda Ardern-i chuan silai hlauhawm chi khap nghal thuai chu an ram tana thil pawimawh ber a ni tih a sawi a ni.
