A lawmna inkhawm hmanpuitu School Education Minister Pu Lalchhandama Ralte chuan HSLC \ha taka pass thei R.Lalmuanpuii leh Lalnunmawii te chu chhuanawm a tih thu a sawi. Minister hian Special Blind School-a midel hawrawp chhutna, Braille Press chawmtu tur UPS lian pek a tiam a ni.
Special Blind School hi kum 2001 khan Samaritan Association for the Blind hruaitu Pu R.Thanga leh Pu Arsiliana ten an din a, Mitdel leh khaw hmuh fiah lo te tan Class I atanga Class X thleng zirna a awm a, a din tirh atangin HSLC pass chhuak 24 an awm tawh a, tun dinhmunah zirlai 30 leh zirtirtu 11 an awm mek a, zirtirtu zingah hian Mitdel zirtirtu 1 a awm a, B.A zirlai pahnih an awm mek bawk a ni.
