He thutlukna hi tukina Chief Minister, Pu Zoramthanga’n chhiatna thlenna hmun a tlawh \uma Chief Secretary kaihhruaina hnuaia helai thil awm dan zirchiang a, hmalak zel dan tur ruahmanna neih \ha a tih thu a sawi bawhzuia vawiina Chief Secretary, Pu Lalnunmawia Chuaungo hova UD&PA, Disaster Management & Rehabilitation leh Geology and Mineral Resources Department hotute \hutkhawmnaah siam a ni a. An \hutkhawm zawha Chief Minister hnena an thurel an thlenah Committee chuan, fur a in\an chhoh dawn chauh avangin helai hmuna chengte chu an him zawk theih nan a remchan dana sawnchhuah \ha an tih thu te, chhiatna a thlen zel loh nan leh venhim hna thawk tura a thei thei \anrual a \ul thu leh a hmunhma awm dan zirchiang turin, Technical Investigation nei ni se, chik taka a hmun pumpui enfiahin, a hlauhawm dan zirchian ni se, Building sakphungah fimkhur tawk lohna, Technical Negligence a awm thei em tih zirchian ni se \ha an tih thu Chief Minister hnenah hian an thlen a.
Department mithiamte chuan Durtlang Leitana BSUP Complex-a Building te chu a ruhrel a ngheh \hat avangin na taka sut tawk mah se, a chhe tlem zawk niin an sawi a. DM&R Department hotute chuan, Aizawl khawpui chhung veng hrang hranga pialtlep lei tan chunga In dinglai leh sak mekte chu a hlauhawm theih dan zirchian tum a nih thu an sawi bawk.
He \hutkhawmnaah Chief Secretary, Pu Lalnunmawia Chuaungo, Finance Commissioner, Pu Vanlal Chhuanga, UD&PA Secretary, Dr. C. Vanlalramsanga leh mi pawimawh dangte an tel a ni.
