Vawiina thuthar lakhawmtute a kawmnaah BJP Mizoram Pradesh General Secretary, Pu Vanlalhmuaka chuan, he chhiatna thlen chhan dik tak rinthua insawi siak mai mai chu a dik loh avangin thil nih dan kimchang chhui chiang turin Sorkar thunun theih loh tur, Independent Judicial Inquiry Committee din an phut tih a sawi a, hei hi High Judge \anglai emaw chawl tawh emaw kaihhruai ni se, chung mite chuan tun hmaa chhiatna thlena thil awm dan an chhui ang mai mai ni lovin a nihna kimchang chiang takin chhui se an duh tih a sawi. Zawhna chhangin Pu Vanlalhmuaka chuan, he chhiatna thlen chhan hi sorkar inthlahdah vang nia an ngaih thu a sawi a. Helai hmun chauh ni lo hmun dangah pawh Building sak a nih lai leh thil dangah sorkar-in a tih tur a ti tawk lovah an ngai a, hei mai hi ni lovin Aizawl khawpui chhung hmun hlauhawm tak tak enkawl kawngah pawh sorkar-in a tih tur a ti tawk lo hle-a an hriat thu a sawi. Dan dinglai anga State sorkar-in nunna chante zangnadawmna atana Rs. nuai 4 pek a tiam chu beitham an ti hle tih sawiin, Pu Vanlalhmuaka chuan, State sorkar chu vanduainaa thi leh hliamte chhawmdawlna pek \hin chu awmze nei thama ruahmanna siam tura an duh thu a sawi.
BJP Mizoram Pradesh hian Leitan Branch YMA kaltlangin he chhiat tawhnaa nunna chan 3 chu Rs. 2,000 \heuhin an ral a. Hliam mi 9-te Rs. 1,000 \heuha an kan bakah Leitan Branch YMA hnenah a \ul a pianga hman turin Rs. 3000 a hlan a ni.
