A hawngtu Pu Rex Zarzoliana Vanchhawng chuan sual do kawnga chak zawka hma lak a nih theihnan te, dan bawhchhiate chu dan anga hrem an nih theihna tur leh Mizoram chu ram nuam zawk a lo nih zel theih theihna turin Dungtlang Police Station thar chuan hna \angkai tak a thawh a beisei thu a sawi.
Tuipuiral Group YMA President Pu H Lalniliana pawhin thu sawiin, Tuipuiral huam chhunga Branch hrang hrangte chuan khawchhak lam atanga ruihhlo, ralthuam leh dan phal loh tam tak Mizorama lut ru thinte dovin theihtawp in hma an la \hin tih a sawi a, Dan eng kawhtute nen lo chuan hmalak a sawt thei lo a, Dungtlanga Police Station thar chu sual chi hrang hrang dona kawngah a pawimawh hle dawn tih a sawi.
Dungtlang Police Station hawnna inkhawmah hian Tuipuiral tlangdung khaw hrang hranga VCP , YMA leh TZP hruaitute an tel a ni.
