Lawngtlai Bawrhsap hlui, Dr. Arun T. sawn chhuah a nih dana thil dik lo awm nia hriaa Lai Student’s Association leh All NGO Coordination Committee ruahman anga Lawngtlaia sorkar hnathawkte pisa kai tur Ningani a\anga dan chu nizan leh vawiin bakah naktuk, Pathianni-ah pawh chhunzawm zel tum a ni a, hetihlai hian Lai Autonomous District Council Chief Executive Member, Pu T. Zakunga chuan hetianga thil tih hi ram leh mipuite tuarna thlen thei a ni tih sawiin, All NGO Coordination Committee hruaitute chu zanin hian kokhawmin hnathawh theihna boruak \ha siam dan tur a sawipui dawn a, he meeting-a an thu tl<kna siam tur a zirin sorkar hnathawkte pisa kai tur karleh lama dan an nih dawn leh dawn loh chu a hriat theih chauh dawn a ni. Puan tawh angin Chakma Autonomous District Council inthlanna neih tur Mizoram State Election Commission-in March ni 23-a a puan hma lawkin Lawngtlai Bawrhsap, Dr. Arun T. chu sawn chhuah a ni a, a aiah Disaster Management & Rehabilitation Deptt. Director, Pu N. Chakhai chu Lawngtlai Bawrhsap atan dah a ni a, Dr. Arun T. sawn chhuah a nih danah hian thil fel lo awm nia ngaiin dah l>t leh turin Lai Student’s Association chuan sorkar a ngen a ni.
