DoNER Minister, Pu Jitendra Singh chu Mizoram inthlanpui neih tura BJP candidate-te tan Campaign-in vawiin khan Aizawl a lo kal a, Aizawl South III huam chhung Hlimen Hall-a vantlang inkhawmah thusawiin, he biala BJP candidate, Pi Lalremsangi chu thlan tlin a nih chuan Aizawl South III chu North East State zinga Development Model Constituency-ah an siam dawn niin a sawi.

Pu Jitendra Singh chuan, Lengpui a lo thlen hnuaa Hlimen a panna kawng chu tawi te pawh ni se kawng a chhiat avangin kal a hrehawm hle niin a sawi a, Mizoramah kawngpui \ha a awm theih nan BJP in thuneihna an chan a ngai niin a sawi.

Congress Party chu lal duh vanga hnam leh hnam, sakhua leh sakhaw inkara in\hendarhna siamtu, Mizoramah pawh chutianga hetiang hrichhia vawrhdarh mêktu an ni tih sawiin, DoNER Minister chuan, BJP chu hnam leh sakhaw hrang hrangte inkara inlungrualna siam tumtu an ni zawk niin a sawi a ni. He biala

BJP Candidate, Pi Lalremsangi pawhin thusawiin, South III bial hmasawnna tur hrang hrang DoNER Minister hnena an thlen ngaih pawimawh a nih tur thu mipui hmaa tiam an ni chu lawmawm a tih thu a sawi a ni. He inkhawm hi Hlimen MPF Local Forum hruaitu, Upa Rinngaia’n a kaihruai a ni.