Water, Sanitation and Hygiene (WASH) Workshop chu nimin khan DoNER Minister, Dr. Jitendra Singh-a hovin New Secretariat Conference Hall-ah neih a ni a, Union Minister chuan sorkar laipuiin ram pumah faina beihpui a thlak mek tih sawiin, beihpui thlak hun chhung chauha fai tum lovin, faina leh thianghlimna chu nunphunga neih a \ul tih a sawi. Thusawitu dang, Health Minister, Pu Lal Thanzara pawhin Mizoramin thianghlimna kawngah nasa takin hma a sawn niin a sawi a, kum 2006-14 chhungin naupang cher lutuk awm chu zaa 5-in an tlem hman a, naupang \hang thei lo pawh zaa 92-in an tlem tawh niin a sawi. He Workshop-ah hian Department pali – UD&PA, PHE, School Education leh Health Department-in faina kawnga hna an thawh dan an sawifiah a ni. Mizoramah hian kum 1977 a\ang khan faina hapta hman a ni a, kum 2015 khan ram puma state khawpui fai thlan chhuah zingah Aizawl chu 9-na a ni a, Mizoram khawpui 17 chu pawna inthiar awm lohna hmunah puan a ni tawh bawk. Sorkar laipuia Human Resource Development-in Swachh Vidayala Puraskar a bawhzuiah pawh kum 2016-17 chhungin Mizorama School 22 chu school fai tehnaah Five Star pek an lo ni tawh tih pawh he Workshop-ah hian tarlan a ni bawk.
