Kar hmasa khan Trump hian North Korea chunga hrekna duante kalpui an nih hmain a sut leh thu a lo puang tawh a, North Korea hian a tuar tawk tawh tiin a chungah hrekna thar siam belh a tum tawh loh thu a sawi nawn leh a, he a thil puan hian mak tih a hlawh hle a, North Korea hotu Kim Jong-un nena inkungkaihna \ha tak a neih vanga North Korea chunga economy lama hrekna siam belh a duh lo hi US hmelma ram Iran leh Venezuela chunga a chet dan nen a inkalh hle a ni.
Trump-a chuan Mexico hian an ram a\anga US-a lut ru \hinte tun aia khauh zawka a dan loh chuan an inkar ramri kharah a vau bawk a, Mexico hian awlsam takin US lut ru te hi an dan theih laiin hma a la \ha duh lo a ni a ti a, US hian heng pemlutte ken tel ruihhlo leh thil \ha lo dang vangin sum tam tak a seng a, a \ul anih chuan ramri khar pawh a pawiti lo tih a sawi.
Mexico President Lopez Obrador chuan Mexico mi leh sa te chuan hna zawngin US luhruk an tum tawh lo tih a sawi a, lut ru te hi an ram \henawm Central America ram mi te an ni tlangpui zawk tih a sawi a, heng mi te hian duh thlan tur an neih loh avangin eizawnna dapin an lutru \hin a ni tih sawi a, hetih rual hian US nena intihbuai a duh loh thu a sawi bawk.
Homeland Security Secretary Kirstjen Nielsen-a chuan ramri-a hnahawk te chuan El Salvador, Honduras leh Guatemala a\anga himna zawnga pemlut March thla chhung khan mi 100,000 vel an awm rin a nih thu leh an zingah hian nu leh pa te hruai loh naupang 1,000 chuang an awm tih a sawi a, heng mi zawng zawng te enkawl tur chuan US sorkar in sum tam tak a sen a ngai dawn tih a sawi.
