Donald Trump-a thlawptu sipai hlui Brian Kolfage chuan ramri hungna bang sakna’n sorkar hnena pek tur dollar tld 1 tuak tumin “GoFundMe” hmangin pawisa a khawn khawm a, dollar mtd 20 a hmuh hnuah sorkar hnena pek aiin “We Build the Wall” project \anin pawisa tling khawm hmang hian anmahnia bang sak an tum thu a puang leh a, he project hmahruaitu New Mexico-a cheng Jeff Allen-a chuan “Make America Great Again” tih chuang lukhum sen khumin chhuang takin ramri hungna bang satu hnathawkte a vil a, Congress thupek chu do-a America mipui ngeiin bang hi kan sa dawn tih an entir duh niin a sawi a, tun kar chhung hian metre 800-a thui bang hi sak zawh a ni ang a ti a ni.
Mexico mi nupuia nei Allen-a hian ramdang mi te a enhran loh thu leh ram-a pemte a huat loh thu a sawi a, America hian ramri nghet leh him nei se a tih vanga hma la a ni tih a sawi a ni.
