World Bank president ni tur hian a member ram mi tu pawh thlan theih an ni tih World Bank hian lo sawi tawh \hin mahse a din tirh a\angin president-te hi America mi an la ni vek a, hemi chungchang sawiselna a tawh hnuah, World Bank chuan President thlan dan hi lang tlang zawka kalpui a nih tawh thu a sawi a, amaherawhchu candidate zinga America mi ni lo te chu bank shareholder te lam zawkin an thlawp \ha tawk \hin lo a ni.
Trump-a candidate ruat, Kum 63 mi leh International affairs thuneitu David Malpass hian a hma khan khawvel huapa sum chelek \hinte hian sum an puktir dan a dik loh bakah awmzia a nei lo niin a lo sel tawh \hin a, World Bank chu China duhsak bikah a puh bawk a, an thil tum ber retheihna umbo chu \ha taka a kalpui tur thu a sawi a, a hmaa bank a sawiselna leh a thil ngaimawh te chu nikuma bank-in a kalphung a tih danglam khan a siam \ha tawh niin a sawi leh bawk.
